Nau Hôr - Đoạn 16

1. Nau kan nuih n'hâm ŭch nkra luh bơh bunuyh, ƀiălah nau plơ̆ lah tâm mpiăt luh bơh Yêhôva.

2. Lĕ rngôch bunuyh jêng kloh rsang da dê tĭng nâm măt păng nơm, ƀiălah Yêhôva sek uănh tâm nuih n'hâm.

3. Jao hom kan may ma Yêhôva, ri mơ nau kan may ŭch mra dơi jêng.

4. Yêhôva hŏ rhăk njêng jêh lĕ rngôch mpô mpa prăp ma nau Păng săch; nđâp bunuyh ƀai tâm ban lĕ prăp ma nar rêh ni.

5. Yêhôva tâm rmot ngăn ma ăp nơm geh nuih n'hâm sưr; N'hêl nanê̆ păng mâu mra klaih ôh ma nau tâm rmal.

6. Ma nau ueh jêh ri ma nau n'hêl nanê̆ bu dơi jut nau tih mhĭk. Yor ma nau klach yơk ma Yêhôva bu chalơi nau tih.

7. Tơlah nau rêh du huê bunuyh ƀư maak ma Yêhôva. Păng ăn nđâp ma phung rlăng ma ôbăl gŭ đăp rmên đah ôbăl.

8. Ueh lơn geh djê̆ ndơ ma nau sŏng srăng, đah geh âk ndô ndơ sa kao ma nau kue.

9. Nau mĭn bunuyh săch trong păng ŭch ƀư; ƀiălah Yêhôva njŭn leo lĕ nhuat păng chuat.

10. Nau ngơi Păng gŭ ta mbung hađăch; mbung păng mâu ngơi tih ôh tơlah păng phat dôih.

11. Play njing jêh ri mâng njing nau sŏng jêng ndơ Yêhôva; Lĕ rngôch play njing tâm dŭng jêng kan Păng.

12. Ƀư nau mhĭk, nây jêng ndơ nau djơh ma phung hađăch; yor nau sŏng srăng yơh nau chiă uănh dĭng dơi nâp.

13. Nau ngơi bunuyh sŏng ƀư maak ma hađăch jêh ri hađăch rŏng ma nơm ngơi ngăn.

14. Nau hađăch ji nuih jêng nâm bu du huê nơm mbơh ma nau khĭt. Ƀiălah bunuyh gĭt mĭn mra rplai nuih n'hâm păng.

15. Nau pơk ang muh măt hađăch mơ dơi geh nau rêh; jêh ri nau păng yô̆ jêng nâm bu tŭk krŭl tơm mih.

16. Sŏk nau blau mĭn khlay lơn ma mah; săch sŏk nau gĭt rbăng khlay lơn ma prăk.

17. Trong bunuyh sŏng du ndăch bơh nau tih, mbu nơm mât njrăng ma trong păng mra mât huêng păng nơm.

18. Nau sưr hăn lor, nau rai lôch groi pakơi; jêh ri nau n'hao êng nơm hăn lor tâm nau tŭp.

19. Ueh lơn dêh rhêt gŭ ndrel phung hêt rhôi-ma đah nau tâm pă ndơ geh sŏk pit ndrel phung sưr.

20. Mbu nơm tông nau nti mra rnơm ma Yêhôva geh nau hâk răm ngăn.

21. Mbu nơm geh nuih n'hâm blau mĭn bu ntơ păng jêng nơm gĭt rbăng; jêh ri nau ngơi rdơ̆ sâm n'hao nau blau.

22. Nau gĭt mĭn jêng tu ma nau rêh ma mbu nơm geh păng. Ƀiălah nau rluk jêng nau tâm rmal ma phung rluk.

23. Nuih n'hâm phung blau mĭn gai nau păng ngơi, jêh ri dơi ntop nau gĭt mĭn ta bơh bâr mbung păng.

24. Nau ngơi ueh jêng nâm bu mpơng sŭt, njŭng ăn ma huêng jêh ri nau ngăch prăl ma săk jăn.

25. Geh du trong uănh nâm bu di ăn ma bunuyh, nglĕ dŭt nkhơng jêng trong nau khĭt.

26. Nau du huê pah kan ji ngot ntrôl păng pah kan, yorlah păng ŭch ăn hơm nau păng ji ngot.

27. Bunuyh dơm dam tâm chră ƀư nau mhĭk, jêh ri nau păng ngơi jêng nâm bu ŭnh n'hâng.

28. Bunuyh kue srih nau tâm djrel, jêh ri bunuyh nkoch bri nsak ƀư tâm nkhah phung mĭt jiăng bu.

29. Bunuyh janh ƀai ndơm ma nơm chiau meng păng, jêh ri njŭn leo ôbăl tâm trong mâu ueh ôh.

30. Mbu nơm ntơ̆ măt joi uănh ƀư nau kue, mbu nơm hŏ ƀư nau mhĭk.

31. Chhŏk (sŏk) mbra jêng đon hađăch ma nau chrêk rmah, bu dơi geh nau nây ma nau rêh sŏng.

32. Bunuyh băt ji nuih jêng ueh lơn ma du huê janh katang.

33. Bu ƀư nau tâm nchroh tâm trôko ao; ƀiălah nau geh ngăn tă bơh Yêhôva.